bulalakaw

isang gabing malamlam

habang nakatunghay sa 

buwang lilisan patungo

sa huling araw nitong

ulilang buhay

nagulat, nagulumihanan

nagitla at napadausdos

sa bintana ng matanaw

sa di kalayuan sa lilim

ng mga ulap

isang liwanag na marikit,

umukit, gumuhit sa langit

animo ay kiming kidlat 

munit bilis din ang ngalan

...di kaya't?

ang abang puso'y kumislot,

kumabog at kapagdaka ay

sa kaba nalunod. narito na 

ang huling araw nitong 

ulilang buhay